قومی کرکٹ ٹیم کے سابق کپتان اور فاسٹ باؤل نے بین الاقوامی کرکٹ ختم کرنے کا مطالبہ کر دیا
غیر ملکی خبررساں ادارے کو دیئے گئے انٹرویو میں سابق کپتان وسیم اکرم نے کہا کہ آئی سی سی کو پچاس اوورز کے میچز ختم کرنے پر غور کرنا چاہیے۔ بحیثیت کمنٹیٹر مجھے بھی ون ڈے کرکٹ طویل لگتی ہے۔
سابق کپتان کا کہنا تھا کہ موجودہ دور میں زیادہ تر کھلاڑی ٹی20 اور ٹیسٹ کرکٹ پر فوکس کررہے ہیں، اس لیے مجھے لگتا ہے کہ آئی سی سی کو ون ڈے کا کلینڈر ختم کردینا چاہیے۔
وسیم اکرم نے کہا کہ ٹی20 فارمیٹ محض 4 گھنٹوں پر مشتمل ہوتا ہے جبکہ دنیا بھر میں لیگز کے ذریعے بھی کرکٹرز پیسہ کماسکتے ہیں، آپ نے دیکھا انگگلینڈ بہترین آل راؤنڈر بین اسٹوکس حال ہی میں ون ڈے سے ریٹائر ہوگئے جو افسوس ناک ہے لیکن میں ان سے متفق ہوں۔
